Çumadas atorn

Al entra una dì un om dal paîs ta ostaria e denti al ere il stradin cal zuave di cjartas. «Jooo, cjalait achì ve! Ce raza di stradins! Lôr ta ostaria e jo a spostâ i claps ca son su pa strada». No lu vessia mai det. Al salta sù il stradin dut insurît e ai berla: «Cui cji aie dât il permès di spostâ i claps, cîr di imparâ a lassâ stâ la rouba di chei aitis che chei ai son miei». La cjace dal gjaul. Cidinada la facende, l’om nol à plui dousât a dî nua.

Par Pasca a gno fî, che al à fruts piçui, ai vevin regalât tancj di chei ûfs di cjicolata che no son rivâts a finîju e alore – metûts intune sporta – mai à puartâts e mi à det: «Cjomo dâju as gjalinas che ai son vecjos». «Ce gjalinas mo! Massapassût! chescj achì ju mangj jo e dopo dio cuant incà las gjalinas mangjno cjicolata e po impara ca no son migo lôr cas fâs i ûfs di Pasca!».

Cuant che al è vignût in Setembar il teremot erin a lavorâ das bandas di Povoleit e a durmî a Savorgnan intune voliere (chi vin durmît aì par un an!). Insoma gjavin il tet da cjasa e no eise vignude la scjassade, colât jù ce che al ere restât sù. Sin saltâts fûr a colp e vin cjatât la parone da cjase – che nus faseva encje da gustâ – e chê cun duta la calma di chest mont: «Bon, dopo miesdì podeis tornâ a tacâ che tanto il risot (che as erin colâts dentri polvar e di dut) lu ai spostât di pagjele!». Cuant che si dîs che i furlans a tegnin dûr…

Tornant di une noce chel che al guidave (al veve bevût doi tais di numar) al à cjatât une deviazion sul puest e al à tirât dret e i carabinîrs cai era aì lu fermin: «No jodial che ‘nd è una deviazion». E l’autist: »Ce deviazion e deviazion jo scuen jodi di lâ a cjasa ve!». E il manaçon al cjala un tic la machina e al luma i flocs e ai zonta: «E dopo cirît di lâ a cjasa chi sint fint achì il flât di vin». E chel ati: »Ce vin po, al sarà chel sentât devûr». Insoma tira, para e mola lu àn lassât lâ.

Una dì sei lât a cjatâ mê fie aventi jù e no aie metût l’alarme devûr da puarte di cjase e jo a spiegâi: «Tu sâs che su di cjase jo no met chei argagns aì, però devûr dal puarton ai simpri la forcje poiade e chei ca entrin no la jodin ma sa mi fasin zirâ las balas, salti sù come Lucifero ve!».

Agnorums indaûr un om, cjoc madûr, al è lât a trai la recue a di una vecja dal paîs. La vecja a era sul jet – coma ca si usava una volta – e tor tor ai erin prontâts a la folche cji trai i vêi (che si usavin no tant timp indaûr). Noma che l’om al banducelave e tricula una volta e tricula dôs al à pierdût l’ecuilibri e par stâ in pîts no si eisal picjât su pai vêi. Si è dispicjât po dut e il cjoc al è plombât sul jet cu la muarte e stant che al ere un di chei stramaçs a molas noi eise tombolade la femine a brazzecuel. No us dîs la fadia che al à fat par diliberâsi. Dut intorzolât tai vêi, cu la femine oltre da cope (che – cemût che al à deti lui) no si judave. Insoma al è rivât adore a disgredeâsi di dut e al è scjampât prime che lu jodessin, lassant dut chel casin. Chissà po ce che ai àn pensât chei vignûts dopo….

Cuant che las peraules a rindin il sens…

Una sera che si tabaiava di chei che a noi fasin nue ducj i dîs, tal discors al è saltât fûr un che al è propit nassût flacjon e un dai amîs al fâs “a sarès ora che chel aì al tacàs a fâ alc” e subit un ati “pense parfint XXX (e achì al à fat il non di un che timp indevûr al era stât denti in roubas di droga) encje sal è cemût cal è al à savût fâ alc ta vita” e l’amî specificant “nol è che chel al veibi fat alc, disint plui che ati che A SI E’ FAT BESSOL”.

“eh sì” disel un “mi impensi cuant che timp indevûr a si lave in Austrie encje via pa setemane a fâ il plen” e chel ati, finint il discors, “pecjât che dispès il plen no lu metevin ta machina…”

Lâ atorn un pâr di agns fa…

Una setemana fa, tant che si tabaiava di cemût che si lava atorn nou, no tancj agns indaûr (vâl a dî cu la machina dai Flinstones che a lava indevant a sbums no coma i fighets di cumò che a 18agns ai àn il/la Mercedes). Enfre las tantas cazadas a son vignudas fûr encje chestes…

Lant al Picchio una sera d’invier no comença a neveâ e su pa salida di Ognissants i doi noi lava indevant, alora si cjalin tai voi e ai àn il colp “di genio” di meti sù las cjadenas… e ducj insurîts (che a noi jodeva l’ora di jessi tal locâl) a dismontin da machina, si voltin par toli il necessari e… la machina no era plui, a era partida jù pa riva e par fortuna che no rivava nissun e che si era fermada sul mûr, ma i doi noi àn fat una plea, recuperada la machina (che tanto una sgrisiada sù una jù no cambiava) e vie al Picchio.

Un dopo di miesdì lant in Austrie no ti cjatino il solit “Cruck” che al va a 10 al ora, ai àn fat di dut par fâlu cori, ai son stâts tacâts tal cûl, ai àn manaçât, ma nue, il Cruk nol saveva là che al era l’aceleradôr.
Ma finalmenti la strada si slargja un tidinin e vie!!! cul “vento in poppa” e tant par che no disino che i Talians no si fasin conossi, lant che lu passavin ai àn fat encje un biel deit fûr pal finestrin. Il probleme al è che ta curve dopo no sonai lâts fûr di strada e il cruk ju à – cu la sô calme – tornâts a passâ??!!! Ce figuras di mierde e chel maledet no si è nencje fermât a dâur una man (cuissà par ce).

Une volte…

Une volte si seguive un grum las regulas da glesie e une di chestes (che no sai cetancj che sa impensin) a dîs che prima di lâ a fâ la Comunion bisugne stâ dizuns almancul dôs ores.
E cussì agnorums indaûr Anita jessint di Messe si è svicinade a Tita da Vigjiut par fâi la osservazion che: “no si va a fâ la Comunion se prima di Messe a si è passâts di Peta” e Tita che al ere un om cu la batude simpri pronte ai rispuindè a colp: “miôr il Signôr fra dôs sgnapas che fra doi ladrons!”. E cussì al à paiât la femine.

Cuant che al veve da fâ sù la cjase Tita Pul al lassave di paiâ pardut. Cuant che finalmenti ai son vignûts a fâi il tet, il paron di chescj operaris al à domandât di paiâ la musse e Tite:”vergognocji no mi à domandât di paiâ nencje chel das fondas, no vorai di tacâ da te che tu seis l’ultim!”

un pôcs di stupideçs

al sarà content Umberto Eco che il gno amî nosera al à zontât un gnûf titul ae sô za grande bibliografie: in fats cjacarant dal plui e dal mancul al è saltât fûr ancje un so bestseller no plui IL PENDOLO DI FOUCAULT ma IL PENDUL TAL FURGON … mah

 

biele la sene di doi un tic “denti” che ai cavilave e un ai diseve a si chel ati “ma viout che tu as 25 agns” e chel ati convintissim “no chi ind ai 27″ e si inrabeave cuintri chel ati “ma ce vustu savei tu, savorai ben jo di ce an chi sei” e disint cussì a si viout che al à fat doi conts e al à fin al à scuviert che al veve reson chel ati. Chel ati al à acetât la scuses e ai à det “si viot che tu voleves jessi plui madûr” e chel di 25 agns “no, sei za masse madûr di bevi”.

une domenie a zonzo cu la machine. Chel dongje ai fâs a chel che al guidave “cîr una bencje”, chel pront si svicine al ôr da strade dongje una bancjute di len (di chês pai vilegjants) e chel ati “ma ce fastu? jo ai bisugne di gjavâ bêçs, no di poni” e chel da machine risintût “ce vustu chi seipi jo, pensavi che tu fossis strac!”

Antifurto par cjocs

Il tipo dopo veimi mostrât par fîl e par segno la sô nove machine, mi fâs viodi “il pezzo forte”: al cjalcje il boton dal telecomando e la machine a tache a pivetâ e a lampegjâ prime di vierzisi. “Chiusura centralizzata” i fâs. “Non solo” a mi rispuint “sastu tropes voltes che ai sbagliât machine jessint dal ostarie”

Gomas lissas

Une das tantas seradas “bagnadas” dal sabida sera, cuant che no si saveva ce che ai fossin i ponts da patent, un clevolan al ven fermât dai “manaçons”. Dismonta da machina, mieç sturnît (pos crodi, il sabida sera a vincj agns…) e il carabinîr al sta cjalant cun atenzion las gomas, praticamenti sui fiers da machina dal zovin. Lu cjale e ai fâs “ha le gomme lisce”, chel ati, che in chel moment nol capiva una madona, cuntune scjassada di cjavei, lu cjale e serio ai fâs “ma no viostu che a son Michelin?”. Imagjanisi l’incazadura dal manaçon che al si è metût a berlâ “ma mi prendi in giro? come ti permetti? e chel ati – simpri in buine fede, no capint, “ma parcè?”, a la fin lu -viodint che sul serio nol capiva – ai àn lassât pierdi e ognun al è lât convint da sô reson pa sô strada.

Scovaças pericolosas…

Una serada jù pa furlania butada in staiara, ma prin o dopo tocje ancje tornâ in Cjargne e la strada a è lungje e a capite di scuegnî fermâsi par bagnâ l’ort. Cussì il puem un tic trabuculant al jes da machina, tira fûr il batecul e si met a fâ i siei bisugns, però si rint cont che l’ecuilibri nol è propit a puest, al dà una cjalada ai doi restâts ta machina e par no fâ viodi che al è cjoc, si picja su par tun bandon das scovac, anzi par dî miôr al cjapa la mantie di un dai bandons, ma nol veva calcolât che il tapon nol ere sierât benon e cussì i doi amîs a podin fâ dôs ridadas di gust, cuant che a viodin il tapon spalancâsi e lui che plombe denti in chei roiâi che ai àn ju pa basse. A e stada una sene di spreçâsi, viodi chest cul batecul in man che un moment prime al è, un moment dopo al è ta roie, brundulant, dut bagnât e mieç sbarlumît, nancje a Paperissima no ‘nd è di cussì!!!

Einstein e i agnui

serada sot Nodâl in Austrie, un tic denti ducj. Chel di front di me al cjalava oltri las mês spalas e dute la compagnie si domandava ce che al cjalàs stant che al era za un cinc minûts fis aì… di bot chest al fâs “cjalait se che roube sot il peç di Nodâl a no samee a Einstein” e ducj a cjalâ e no capivin la che al jodeve Einstein… al fin vin capît, las biras a vevin fat mâl e il nosti amî al oservava un di chei agnuluts poiâts sot il peç!!! mah e dopo ‘nd è int che si fâs di acits, basta bevi una bira e vei una fantasia fûr dal normâl se si vulin viodi roubonas

bici e feminas

 una sera cjalant un video musicâl i doi amîs a si incjantin a cjalâ una biela modela che a va in bicicleta e un (il plui sportîf) “ce chi montares su che biele bici, tu no?” e l’amî cui voi su pe zovine “io no … su la bici”

.