Il Piccolo

E una dì un troput di Clevolans ai son stâts invidâts a assisti a une tesi in chel di Triest. Dato che la plui part di lôr nol saveve la che si cjatave il puest, ur à fat une cjartine cul indicazion e par telefon ur à encje det di cjapâ come pont di riferiment il “gratacîl” (si fâs par mût di dî) cun su scrit “IL PICCOLO” che a è la sede dal gjornâl triestin. Nencje da dî un pous di lôr si son pierdûts… e alora telefona a chei aitis: “la vino di lâ cumò”; “ma la seiso?”; “mah, nou sin dongja das barcjas”;”sì ma dulà di precîs”; “ma no sai mo”; “ma no us vevino det di cjalâ la scrita IL PICCOLO” e chel ati, inervosît: “sì, ma sa è IL PICCOLO, cemût fasino a jodila?”.

Il resonament in sè e par sè nol fâs una plea, comuncue ai son rivâts lo stes adoremus.

Sesso…

Un clevolan:

Il sesso è uno sport in cui non serve arrivare primi, ma venire dopo.

esperiences personâls?

Indiference

Ce biel las seradas a Lignan d’estât. Plen di int pas stradas, finalmenti un tic di cjalt (che nou no lu vin tant dispes), biele int atorn, musiche tai locâi e se tu cîrs benon tu pos cjatâ encje une biele birerie di chês no masse chic e sieracji aì denti par un pâr (o plui) di oras prime di lâ a balâ. E jù duncje i cjargnei, prime ai son lâts a cjamâ la zovine lôr paisane che a ere a fâ la stagjon là jù. E jei par no fâ jodi di jessi di mancul das stangjones che as zirin par Lignan la sere in plene stagjon, e à pensât benon di meti la minicotule cun doi biei tacs (ou, par une volte che sji po metiju), ma fint cuant che il livel dal alcul al ere benon encje la zovine a no veve problemes a cjaminâ. I problemes a son vignûts sul tardut, cuant che dopo un biel poucjes di HavanaCola e à decidût di lâ tal bagno. Tornant, cirint di dâsji un contegno, stant che a tacave un tic a trabuculâ, e à cirût di sentâsji di corsute su la cjadree ma no à tignût cont dai tacs che a son lâts a cjapâ denti tal pît dal taulin e jù abàs come un salam! la sjene a è stade biele massime parcè che i siei amîsj che ai erin sentâts aì, jodintle colâ noi àn fat une plee e ai àn continuât trancuilamenti a cjacarâ tra di lôr e maimò la zovine a veve cjapât denti cul vistît e no rivave a distrighiâsji fûr. Ce roubes, cuatri sul taulin che ai continuavin a cjacarâ, bevi e fumâ e chê sot dal taulin che a sji rodolave par jodi se a rivave a jovâ sù e plen di int atorn atorn. Sji jout propit che las femines cjargneles a scuegnin simpri rangjâsji!

Grande cjoche in che dì di un clevolan che rivât devant dal bar di Pakai al dismonte da machine ma cun dut ce che al veve bevût nol è rivât fin su la puarte e sji è distirât tal plaçâl. I clevolans che ormai lu conossjin no sji son scomponûts plui di tant e lu àn lassjât aì. Tal fratimp a rive une compagnie di Faremos, ai dismontin da machine e sji son sorestâts tal jodi chest distirât abàs encje parcè che al ere not e noi rivavin adore di capî cui che al ere. Difûr da ostarie ‘nd ere un pousj di paisans e ur àn vosât vie cui dal gjaul che al ere chel aì, e savût da lôr cui che al ere e conossjint il tipo, ai àn dât une scjassade di spales, lu àn scavalcât e son lâts denti a bevisji une bire.

Dopo une biele fieste alpine paisane, sji son cjatâts ducj di fûr da ostarie dal paîs e lassjant pierdi chel che al durmive e al butave cà sot da gjostre intal zardin (che i vilegjants ai cjalave cà cun tant di voi) ai àn continuât cun calme a bevi tais e bires. Intun moment a rive la notizie che un di lôr al ere colât cul motorin e che bisugnave che cualchidun al las a ravueilu. Dute une agjtazion ta compagnie e cuissà ce che al à fat e al veve bevût ungrum, e cui ja deti di lâ cul motorin. E doi di lôr a montin su la machine e a partissin a cirîlu, ma tal moment che ai voltave inta curve di chê ate bande al rivave chel che al ere colât. Plen di polvar, dut dispetenât e cuntun braç dut insanganât. Sji ferme al smonte, nol rispuint as domandes al entre cun calme tal bar, al ordine une bire, sji cjale atorn e al jout che ducj lu cjalavin alore dibot sul incazât “ma ce chi veis ducj di cjalâ, no sji pode plui nencje bevi une bire”. Grande ridade e l’incident nol esisteve plui.

Macarena

A Cleulaes no vin inmò capît parcè che il bal da Macarena al à vût tant sucès, dopo mai che lu vevin cassù da nou, si trate nome di cirî las clâfs e cjatâ il tacuin

E la targhe?

Une sere in Austrie, biele serade, lungje, cjalt intal locâl, fum avuâl di abàs e un da compagnie al jes dal ostarie par bagnâ l’ort e cjapâ un tic di arie. Jessût al jout doi che ai rideve a panze plene e al sji met dongje di lôr, domandantjur ce che al ere sucedût par fâju ridi cussì di gust e i doi ai mostrin une machine e ai fasin  notâ che as mancjave dutes dôs las targhes e che al guidatôr ai vevin di vê fat un scherz e ju a menâ la mantie al paron da machine “ce sfigât, pense tu, fâsji roubâ las targhes, bisugne propit jessi monas” e vie indevant par un tic e encje il clevolan sji ere metût a ridi cui doi e al cjapave pal cûl chel da machine, ma dopo un tic, probabilmenti l’arie di fûr, ai veve sclarît un tic i sintiments, ai pâr di conossji chê machine, si svicine, al cjale benon, no ere la lôr!!! smetût di ridi a colp

Las machines a son dutes compagnes

Un pousj di agns fa, cuant che par un tai no cji gjavavin inmò i ponts da patent, doi neo-patentâts a tornavin da une serade “Al Lago”, dibant dî che ai erin ben benzinâts ducj doi. Putrop ai bechin une patulie che ju ferme e ai fâs soflâ chel che al guidave, nue cefâ, il livel di alcol al ere ungrum alt e il poliziot lu à visât che ai veve, no nome di gjavâi la patent, ma encje la machine, però ai à encje det “può guidare il suo amico”, il so amî al ere ben ben saltât fûr da machine e al pissave su pal catarifrangent da strade. Alore il poliziot, rindintsi cont che nencje chel ati nol ere in grât di guidâ, al à provade inmò une e ai à det al autist “forse se aspettiamo un po’ il livello dell’alcol nel sangue si abbassa, vada pure a sedersi in macchina e aspettiamo un po’ “. Il fantat al va e sji sente ma passâts pousj seconts al sint tuculâ su pal veri da machine, lu tire jù e al sint il poliziot “le ho detto di andare a sedersi in macchina” e chel ati “e beh, sono pur seduto” e il poliziot un tic sul secjât “sì va bene, ma intendevo sulla SUA macchina, non sulla NOSTRA!”… atichè spietâ che al leti jù il livel, mi sa che ai saressin vulûts doi dîs!

Dulà eisal il cesso?

Una volta lant a una das tantas adunadas, al è capitât che a di cualchidun a scjampas di pissâ, però l’autist al ere un di chei che a sji fermave dome cuant che al voleve lui e se al voleve lui. Ce fâ, ce no fâ, a di chest biât ai scjampave pardabon, alore al à cjatât la soluzion … fâle intun capuç di chei da Coca cola o da aranciade. Cjale il câs, un al veve propit in chel moment finît di bevi alc e ai à passât il vueit. Il zovin al è lât jù ju pas scjales da coriere e al à tacât a fâle in tal capuç, ma dopo dut ce che al veve za bevût, il capuç al ere masse piçul… alore al vose che ai bevessin alcati di corse parcè che nol podeve fermâsji propit in chel moment. Ma il destin al è stât plui trist, parcè che propit cuant che la pipì a tacave a trasbordâ da latine, l’autist al à zirât denti intun autogrill e a colp al à viert la puarte, lassânt il zovin cul cali ta latine, la pipì che a saltave fûr e dute la int dal autogrill che a lu cjalave… imagjinaitsji ce che ai rideve su la coriere.

E vie il sabide di sere a bevi in Austrie e sji sa la seit a è tante e prime o poi a scuen scjampâ, ma encje achì il câs al à vulût che par lâ tal bagno a seti stât di fâ las scjalas, e saveiso ce che a vûl dî par un che al à bevût dute la sere e al tricule un tic, fâ une rampe al è come lâ sul Everest. Alore il frut, che al veve une sent mostro, al partìs par lâ a fâle, ma inveze di lâ sù su pas scjales come che ai vevin det chei aitis al à cjapât la volte e al è lât jù pas scjales dulà che si lave ta “sale giochi” dal locâl. Chei che ai erin cun lui noi àn det nue, parcè che ai àn pensât “cuant che al sji indacuarç al torne ben sù”, ma a sji alarmin cuant che no lu jodin tornâ sù e – intun moment di silenzio – ai sintin un rumorut stran vegni sù di chê bande. Tornât il frut, ai disin “ma ce fasevistu a là jù, no tu vorâs migo pissât di cualchi bande?” e il frut “e mah, no vevi migo voie di fâ tantas scjales”. Ai van jù a viodi, no vevial pissât tal calcet!

Jessudas un tic cussì

Lant a comprâ las cjicas

Un zovin al à cuestionât cul tabachin che i veve dât ca un pachet cun sù: IL FUMO RENDE IMPOTENTI, e no al à det il fumadôr pitost dâmi chel cun sù la scrite dal cancar almancul murarai che al funzione inmò

Un ati il tabachin i veve dât il pachet cun sù: DONNE ATTENTE IL FUMO NUOCE ALLA SALUTE DEL VOSTRO BAMBINO, e lui splendid “cazzo mi free no sei miga incinto!” come resonament nol fâs une plee

Sul lavôr

Un clevolan sul lavôr si lamente a fuart: DIO MIO, DIO MIO, PERCHE’ MI HAI ABBANDONATO e il so paisan dongje a colp: PARCE’ CHE TU BEIFS! FINISILE E IMPIE CHEL MACHINARI   cuant che si dîs la delicatece!!!

Corezion o coret?

Lant ator nosere ‘nd è saltada fûr una ata. Su la machina al ere encje un reduce dal sabida sera prin, che – sentât devûr – al tabaiava, al tabaiava, un cert moment indacuart che al cjacarava noma lui al si dîs “ma ce discors chi stoi fasint, no sei migo trop coret vuei tal tabaiâ” e chel che al guidava i rispuint a colp “veramenti tu tu seis coret da nosera”

Spot eletorâl

Il grup, tal casin di chescj politics che a prometin simpri e no mantegnin mai al è decidût di lanciâ un nûf sproc pes prossimes elezions.

PLUI BIRE PAR DUCJ cu la promesse di inviâ in curt una convenzion Italie-Austrie pal import facilitât e par evitâ i etilometros

sin sigûrs che dute la Cjargne e sintarà la dibisugne di votâ chescj clevolans, tal rispiet dal Vanzeli che al dîs “se un al à seit daiti di bevi” , ma encje seguint la logjiche “se un al à seit al à ben di bevi”