Çumadas atorn

Al entra una dì un om dal paîs ta ostaria e denti al ere il stradin cal zuave di cjartas. «Jooo, cjalait achì ve! Ce raza di stradins! Lôr ta ostaria e jo a spostâ i claps ca son su pa strada». No lu vessia mai det. Al salta sù il stradin dut insurît e ai berla: «Cui cji aie dât il permès di spostâ i claps, cîr di imparâ a lassâ stâ la rouba di chei aitis che chei ai son miei». La cjace dal gjaul. Cidinada la facende, l’om nol à plui dousât a dî nua.

Par Pasca a gno fî, che al à fruts piçui, ai vevin regalât tancj di chei ûfs di cjicolata che no son rivâts a finîju e alore – metûts intune sporta – mai à puartâts e mi à det: «Cjomo dâju as gjalinas che ai son vecjos». «Ce gjalinas mo! Massapassût! chescj achì ju mangj jo e dopo dio cuant incà las gjalinas mangjno cjicolata e po impara ca no son migo lôr cas fâs i ûfs di Pasca!».

Cuant che al è vignût in Setembar il teremot erin a lavorâ das bandas di Povoleit e a durmî a Savorgnan intune voliere (chi vin durmît aì par un an!). Insoma gjavin il tet da cjasa e no eise vignude la scjassade, colât jù ce che al ere restât sù. Sin saltâts fûr a colp e vin cjatât la parone da cjase – che nus faseva encje da gustâ – e chê cun duta la calma di chest mont: «Bon, dopo miesdì podeis tornâ a tacâ che tanto il risot (che as erin colâts dentri polvar e di dut) lu ai spostât di pagjele!». Cuant che si dîs che i furlans a tegnin dûr…

Tornant di une noce chel che al guidave (al veve bevût doi tais di numar) al à cjatât une deviazion sul puest e al à tirât dret e i carabinîrs cai era aì lu fermin: «No jodial che ‘nd è una deviazion». E l’autist: »Ce deviazion e deviazion jo scuen jodi di lâ a cjasa ve!». E il manaçon al cjala un tic la machina e al luma i flocs e ai zonta: «E dopo cirît di lâ a cjasa chi sint fint achì il flât di vin». E chel ati: »Ce vin po, al sarà chel sentât devûr». Insoma tira, para e mola lu àn lassât lâ.

Una dì sei lât a cjatâ mê fie aventi jù e no aie metût l’alarme devûr da puarte di cjase e jo a spiegâi: «Tu sâs che su di cjase jo no met chei argagns aì, però devûr dal puarton ai simpri la forcje poiade e chei ca entrin no la jodin ma sa mi fasin zirâ las balas, salti sù come Lucifero ve!».

Agnorums indaûr un om, cjoc madûr, al è lât a trai la recue a di una vecja dal paîs. La vecja a era sul jet – coma ca si usava una volta – e tor tor ai erin prontâts a la folche cji trai i vêi (che si usavin no tant timp indaûr). Noma che l’om al banducelave e tricula una volta e tricula dôs al à pierdût l’ecuilibri e par stâ in pîts no si eisal picjât su pai vêi. Si è dispicjât po dut e il cjoc al è plombât sul jet cu la muarte e stant che al ere un di chei stramaçs a molas noi eise tombolade la femine a brazzecuel. No us dîs la fadia che al à fat par diliberâsi. Dut intorzolât tai vêi, cu la femine oltre da cope (che – cemût che al à deti lui) no si judave. Insoma al è rivât adore a disgredeâsi di dut e al è scjampât prime che lu jodessin, lassant dut chel casin. Chissà po ce che ai àn pensât chei vignûts dopo….

Biâs fumadôrs

Cumò a è la moda di rompi simpri las marindas a chei biâs che ai àn il vizi di fumâ (cun ducj i drogâts e i alcolizâts che ‘nd è ator…) e cussì un di chei che no si fasin mai i lôr afâs al à cridât a di un che, trancuil, si stave fumant il so cjic. “Cjale aì, fuma tu, fuma e dopo magari tu butas la cjica abàs” e il fumadôr svuelt: “e mah, se pal arie no stan!”

A capita – par fortuna no tant spès – che si cjatisi in tre/cuatri fumadôrs e cence machinete. E propit cussì al è sucedût encje che ate dì, a erin in trei cul cjic in bocje sot un gazebo e spiete 1 e spiete 2 minûts, ducj si cjalavin e nissun a veve di impiâ, a la fin chel plui nervosut si met a cjalâ insistentementi pal arie e a brundulâ par sot: “Mah, sperin almancul che a coli una saete cussì rivi almancul a impiâ…”

Cuant che las peraules a rindin il sens…

Una sera che si tabaiava di chei che a noi fasin nue ducj i dîs, tal discors al è saltât fûr un che al è propit nassût flacjon e un dai amîs al fâs “a sarès ora che chel aì al tacàs a fâ alc” e subit un ati “pense parfint XXX (e achì al à fat il non di un che timp indevûr al era stât denti in roubas di droga) encje sal è cemût cal è al à savût fâ alc ta vita” e l’amî specificant “nol è che chel al veibi fat alc, disint plui che ati che A SI E’ FAT BESSOL”.

“eh sì” disel un “mi impensi cuant che timp indevûr a si lave in Austrie encje via pa setemane a fâ il plen” e chel ati, finint il discors, “pecjât che dispès il plen no lu metevin ta machina…”

Lâ atorn un pâr di agns fa…

Una setemana fa, tant che si tabaiava di cemût che si lava atorn nou, no tancj agns indaûr (vâl a dî cu la machina dai Flinstones che a lava indevant a sbums no coma i fighets di cumò che a 18agns ai àn il/la Mercedes). Enfre las tantas cazadas a son vignudas fûr encje chestes…

Lant al Picchio una sera d’invier no comença a neveâ e su pa salida di Ognissants i doi noi lava indevant, alora si cjalin tai voi e ai àn il colp “di genio” di meti sù las cjadenas… e ducj insurîts (che a noi jodeva l’ora di jessi tal locâl) a dismontin da machina, si voltin par toli il necessari e… la machina no era plui, a era partida jù pa riva e par fortuna che no rivava nissun e che si era fermada sul mûr, ma i doi noi àn fat una plea, recuperada la machina (che tanto una sgrisiada sù una jù no cambiava) e vie al Picchio.

Un dopo di miesdì lant in Austrie no ti cjatino il solit “Cruck” che al va a 10 al ora, ai àn fat di dut par fâlu cori, ai son stâts tacâts tal cûl, ai àn manaçât, ma nue, il Cruk nol saveva là che al era l’aceleradôr.
Ma finalmenti la strada si slargja un tidinin e vie!!! cul “vento in poppa” e tant par che no disino che i Talians no si fasin conossi, lant che lu passavin ai àn fat encje un biel deit fûr pal finestrin. Il probleme al è che ta curve dopo no sonai lâts fûr di strada e il cruk ju à – cu la sô calme – tornâts a passâ??!!! Ce figuras di mierde e chel maledet no si è nencje fermât a dâur una man (cuissà par ce).

Un tic di dut

riflessions tal bar la sera
e cumò ai àn propit stufât… e las cinghias par lâ in machina e no si pos bevi nue e cumò cji gjavin i ponts encje se tu vâs cjoc in bici… mah! e un: “eh sì ai àn tacât cul sierâ le case chiuse e cumò a sta lant dut a putanas!”.

Un dubi
ma parcè sui dopobarbas scrivino POUR HOMME, lu doprino encje las feminas?

Puints e peis
B…, la gomma del ponte: …e mastia e mastia no mi eisal colât il puint sul serio!!! e via a dâ bêçs ai dentiscj (sucedût vinars passât)

Una dì atorn pal mont
cualche meis indaûr a son partîts doi clevolans par lâ in Umbrie a fâ un zîr e chel che al compagnave il paron da machine a si è lamentât dut il viaç: “mah! cjale tu sa è una machina di tegni, tu podevas ben netâla un tic e gjavâ fûr un poucje di cragna, no jostu achì ce casin” e dilunc i trei dîs che ai son stâts atorn al à continuât a tibiâ chel ati su pa pulizie da machina: “cjala achì, parfint i cavets pa bateria! mah la prossima volta si ai di lâ atorn coma un cerontan no ven ati”. Passin i trei dîs e i doi ai torna. Dismontâ chel che al veva brundulât dut il viaç, al monta ta sô machine e… no era discjamada la bataria!!! telefona di corsa a chel ati “ou âstu inmò chei cavets che sei restât a pît”. Podeis noma inmagjinâ l’autist cetant che dopo ai al à fata paiâ cun dut ce che al veve soportât lant injù…

Ordenâ da bevi par furlan
Coca Cola light: cu che a cola al va
lieghermaister: un cornuto
Montenegro: un taconaneris

Une volte…

Une volte si seguive un grum las regulas da glesie e une di chestes (che no sai cetancj che sa impensin) a dîs che prima di lâ a fâ la Comunion bisugne stâ dizuns almancul dôs ores.
E cussì agnorums indaûr Anita jessint di Messe si è svicinade a Tita da Vigjiut par fâi la osservazion che: “no si va a fâ la Comunion se prima di Messe a si è passâts di Peta” e Tita che al ere un om cu la batude simpri pronte ai rispuindè a colp: “miôr il Signôr fra dôs sgnapas che fra doi ladrons!”. E cussì al à paiât la femine.

Cuant che al veve da fâ sù la cjase Tita Pul al lassave di paiâ pardut. Cuant che finalmenti ai son vignûts a fâi il tet, il paron di chescj operaris al à domandât di paiâ la musse e Tite:”vergognocji no mi à domandât di paiâ nencje chel das fondas, no vorai di tacâ da te che tu seis l’ultim!”

Detulas cussì…

Un paisan, dopo una zornada passada a bevi biras, cjacarant cui amîs (si fâs par dî, stant che chei a noi capive dibot nue dai resonaments che al faseva), al jes fûr cussì: “bon, ce che ai da dî, ai det, e chest det al à di restâ ta mê progjenie!”. Mah…

Simpri una zornada di biras. Un a di chel ati: “cuissà se tô mari a cji conòs ve cuant che tu tornas a cjasa usnot” e chel ati:”cuissà si conòs jo ve la mê cjase!no me mê mari!”. E il biel al è che tant che al diseve cussì, al rideve da bessôl!

Il Piccolo

E una dì un troput di Clevolans ai son stâts invidâts a assisti a une tesi in chel di Triest. Dato che la plui part di lôr nol saveve la che si cjatave il puest, ur à fat une cjartine cul indicazion e par telefon ur à encje det di cjapâ come pont di riferiment il “gratacîl” (si fâs par mût di dî) cun su scrit “IL PICCOLO” che a è la sede dal gjornâl triestin. Nencje da dî un pous di lôr si son pierdûts… e alora telefona a chei aitis: “la vino di lâ cumò”; “ma la seiso?”; “mah, nou sin dongja das barcjas”;”sì ma dulà di precîs”; “ma no sai mo”; “ma no us vevino det di cjalâ la scrita IL PICCOLO” e chel ati, inervosît: “sì, ma sa è IL PICCOLO, cemût fasino a jodila?”.

Il resonament in sè e par sè nol fâs una plea, comuncue ai son rivâts lo stes adoremus.

Sesso…

Un clevolan:

Il sesso è uno sport in cui non serve arrivare primi, ma venire dopo.

esperiences personâls?

Indiference

Ce biel las seradas a Lignan d’estât. Plen di int pas stradas, finalmenti un tic di cjalt (che nou no lu vin tant dispes), biele int atorn, musiche tai locâi e se tu cîrs benon tu pos cjatâ encje une biele birerie di chês no masse chic e sieracji aì denti par un pâr (o plui) di oras prime di lâ a balâ. E jù duncje i cjargnei, prime ai son lâts a cjamâ la zovine lôr paisane che a ere a fâ la stagjon là jù. E jei par no fâ jodi di jessi di mancul das stangjones che as zirin par Lignan la sere in plene stagjon, e à pensât benon di meti la minicotule cun doi biei tacs (ou, par une volte che sji po metiju), ma fint cuant che il livel dal alcul al ere benon encje la zovine a no veve problemes a cjaminâ. I problemes a son vignûts sul tardut, cuant che dopo un biel poucjes di HavanaCola e à decidût di lâ tal bagno. Tornant, cirint di dâsji un contegno, stant che a tacave un tic a trabuculâ, e à cirût di sentâsji di corsute su la cjadree ma no à tignût cont dai tacs che a son lâts a cjapâ denti tal pît dal taulin e jù abàs come un salam! la sjene a è stade biele massime parcè che i siei amîsj che ai erin sentâts aì, jodintle colâ noi àn fat une plee e ai àn continuât trancuilamenti a cjacarâ tra di lôr e maimò la zovine a veve cjapât denti cul vistît e no rivave a distrighiâsji fûr. Ce roubes, cuatri sul taulin che ai continuavin a cjacarâ, bevi e fumâ e chê sot dal taulin che a sji rodolave par jodi se a rivave a jovâ sù e plen di int atorn atorn. Sji jout propit che las femines cjargneles a scuegnin simpri rangjâsji!

Grande cjoche in che dì di un clevolan che rivât devant dal bar di Pakai al dismonte da machine ma cun dut ce che al veve bevût nol è rivât fin su la puarte e sji è distirât tal plaçâl. I clevolans che ormai lu conossjin no sji son scomponûts plui di tant e lu àn lassjât aì. Tal fratimp a rive une compagnie di Faremos, ai dismontin da machine e sji son sorestâts tal jodi chest distirât abàs encje parcè che al ere not e noi rivavin adore di capî cui che al ere. Difûr da ostarie ‘nd ere un pousj di paisans e ur àn vosât vie cui dal gjaul che al ere chel aì, e savût da lôr cui che al ere e conossjint il tipo, ai àn dât une scjassade di spales, lu àn scavalcât e son lâts denti a bevisji une bire.

Dopo une biele fieste alpine paisane, sji son cjatâts ducj di fûr da ostarie dal paîs e lassjant pierdi chel che al durmive e al butave cà sot da gjostre intal zardin (che i vilegjants ai cjalave cà cun tant di voi) ai àn continuât cun calme a bevi tais e bires. Intun moment a rive la notizie che un di lôr al ere colât cul motorin e che bisugnave che cualchidun al las a ravueilu. Dute une agjtazion ta compagnie e cuissà ce che al à fat e al veve bevût ungrum, e cui ja deti di lâ cul motorin. E doi di lôr a montin su la machine e a partissin a cirîlu, ma tal moment che ai voltave inta curve di chê ate bande al rivave chel che al ere colât. Plen di polvar, dut dispetenât e cuntun braç dut insanganât. Sji ferme al smonte, nol rispuint as domandes al entre cun calme tal bar, al ordine une bire, sji cjale atorn e al jout che ducj lu cjalavin alore dibot sul incazât “ma ce chi veis ducj di cjalâ, no sji pode plui nencje bevi une bire”. Grande ridade e l’incident nol esisteve plui.